وێنەی سێ کەسایەتی کورد لە سەر دیوارێکی شاری بانە
![](https://vakawi.ir/wp-content/uploads/photo_2024-07-13_12-28-19.jpg)
ئارام مەجیدی شێوەکاری بانەیی، وێنەی سێ کەسایەتی گەورەی کوردی لە سەر دیوارێکی شاری بانە نەخشاندووە.
دوکتور “ئیبراهیم یونسی” وەرگێڕ، “تەها کەریمی” فیلمساز و “عەتا نەهایی” چیرۆکنووس ئەو سێ کەسایەتیەن کە وێنەیان لە سەر دیوارێک لە ڕێگەی کەمەربەندیی شاری بانە کێشراوە.
ئیبراهیم یونسی ساڵی ۱۳۹۰ و تەها کەریمی لە ساڵی ۱۳۹۲ کۆچی دواییان کرد. عەتا نەهایی هەر ئێستا لە شاری بانە دەژیی و ڕۆمانی «گرەوی بەختی هەڵاڵە» یەکێک لە بەرۆەمەکانی ئەم چیرۆکنووسەیە کە لە ساڵانی ڕابردوودا پێشوازی بەرچاوی لێکراوە.
وێنەکانی سەر ئەم دیوارە سەرنجی خەڵکی ڕاکێشاوە و ئەوان ئەم کارە بەجۆرێک ڕێزلێنان لە هونەرمەندان و کەسایەتیەکانی شارەکەیان دەزانن.