ساتێک لەگەڵ شانۆی “لیباسگیرەکان؛ بەدڵنیاییەوە پێکەوەین
![](https://vakawi.ir/wp-content/uploads/IMG_20231003_190913-scaled.jpg)
ئەم رۆژانە هۆڵی کتێبخانەی گشتیی، میوانداری کۆڕێک لە منداڵان و مێرمنداڵانی شاری سەقزە کە خەریکی نمایشی شانۆی موزیکاڵی “لیباسگیرەکان”ن.
نمایشی لیباسگیرەکان لە نووسینی “ئۆراند هەریس”ە کە “شەهربانوو هادی” بە زمانی کوردی وەرگێڕان و دەرهێنانی بۆ کردوە و ئەکتەرەکانیشی هەموو منداڵ و مێرمنداڵن.
ئەم نمایشە بەرهەمی دووهەمی “فێرگەی شانۆی هێما” بە سەرپەرشتی “پەرویز ئەحمەدی”یە و لە ١٠ تا ٢١ی ڕەزبەر لە هۆڵی کتێبخانەی گشتی ژمارە یەک کاتژمێر ١٨:٣٠ پێشکەش دەکرێت.
پەیامی نمایشەکە “هاوکاری و هاودڵی و یەکگرتوویی” و منداڵەکان فێر ئەکات کە ئەگەر پێکوەو بن دەتوانن زۆر کار بکەن کە بە تەنیایی ناتوانن.