زمانی دایکی و ئەرکی ئێمە وەکوو تاکێک

سەبارەت بە زمانی دایکی و گرنگی پەروەردە بە زمانی دایکی و بایەخ بەم تەوەرە زۆر وتراوە و زۆرێک لە نووسەران و چالاکانی مەدەنی لەم بوارەدا قەڵەمیان گرتووە بە دەست و وتاریان نووسیوە.
لێرەدا دیارە جیا لە هەموو تەلاش و تێکۆشانێک بۆ بووژانەوە و بایەخدان بە زمانی دایکی، ئەرکی کۆمەڵگا و هەموو تاکەکانی کۆمەڵگایش لە بیر نەکەین.
کە وایە، هەموو تاکێک دەبێ وەکوو ئەرکێکی سەرشان خۆی، فێری زمانی دایکی خۆی ببێت و هەوڵی بۆ بدات. زمان بۆ مانەوە پێویستی بە قسە کردن و نووسینە. کەم خوێندنە، کەم بوونی بەرهەمگەلی وەرگێڕدراو لە زمانەکانی ترەوە و تیراژی کەم و ئاوڕ نەدانەوە لە کتێبە کوردییەکان و…وەکوو کێشەگەلی سەر زمانی کوردی دێنە ئەژمار.
ڕۆژی جیهانی زمانی دایکی پیرۆز بێت